Në një prononcim për mediat, kreu i Grupit parlamentar të Partisë Socialiste, Taulant Balla i është përgjigjur interesit të gazetarëve edhe në lidhje me qëndrimet e presidentit Meta, si dhe dekretin me të cilin ktheu në Kuvend pr.ligjin për betimin e anëtarëve të Gjykatës Kushtetuese.
“Republika e Shqipërisë është e pastër parlamentare, e kulluar parlamentare dhe presidenti i zgjedhur në atë detyrë nga Kuvendi i Shqipërisë e di fare mirë këtë mungesë të së drejtës për të pasur këtë lloj qasje me Kuvendin. Kuvendi e shkarkon Presidentin dhe procesi certifikohet nga GJK. Presidenti i vjen anash Parlamentit për ta shkarkuar dhe shpërndarë. Është një person në hetim për shkeklejt e njëepasnjëshme kushtetuese”,- tha ai.
“E garantoj Presdentin se do ta shqyrtojmë dekretin, shpresoj të gjejmë argumente që t’i marrim në konsideratë. Nga nesër përcaktohet procedura e shqyrtimit. Shpresoj që në argumentet e dekretit të mos jetë e përfshirë gjuha e rrugës. Ndryshimet e miratuara për betimin e gjyqtarëve, janë mekanizëm zhbllokues”, u shpreh Balla.
Balla e konsideroi qesharake paralajmërimin e Metës për të shpërndarë Parlamentin.