Të paktën 30 nxënës të gjimnazit “Janal Kilica” u dërguan me urgjencë në spital me simptoma helmimi. Ata kanë pasur vështirësi në frymëmarrje dhe marrje mendsh. Ngjarja është e përsëritur në këtë shkollë pasi edhe një javë më parë ndodhi e njëjta gjë.
Ndërkohë grupi hetimor ka zbuluar edhe shkakun e helmimit. Mësohet se ka qenë një nxënës i kësaj shkolle i cili ka hedhur spraj peper në klasë dhe në ambientet e shkollës. Nxënësi nga fshati Kurjan bëhet me dije se është autor edhe i ngjarjes së mëparshme.
Ky spraj ka shkaktuar probleme në frymëmarrje dhe djegie të syve e lëkurës. Nxënësi në fjalë njihet si një nxënës problematik.