Në Greqi u mblodh në një takim urgjent të jashtëzakonshëm Këshilli i Sigurisë, ku u vendosën masat përmirësuese për të maksimizuar sigurinë e kufijve lindorë, tokësorë dhe detarë të vendit nga forcat e sigurisë dhe forcat e armatosura për të parandaluar hyrjen e paligjshme në vend.
Në mbledhjen e kryesuar nga kryeministri grek Kyriakos Mitsotakis u vendos:
1. Përmirësimi i masave të sigurisë në kufijtë lindorë, tokësorë dhe detarë të vendit nga forcat e sigurisë dhe forcat e armatosura për të parandaluar hyrjen e paligjshme në vend në maksimum.
2. Pezullimi i përkohshëm, për një muaj nga data e marrjes së këtij vendimi, të vendosjes së azilit nga ata që hyjnë në vend në mënyrë të paligjshme.
3. Kthimi i menjëhershëm, kur është e mundur, në vendin e origjinës së atyre që hyjnë në territorin grek në mënyrë të paligjshme pa regjistrim.
4. Dorëzimi i një kërkese në FRONTEX për ngritjen e ekipit special, me qëllim mbrojtjen e kufijve të jashtëm të vendit, të cilat gjithashtu përbëjnë kufijtë e Bashkimit Evropian.
5. Njoftimi i menjëhershëm i këtij vendimi në Këshillin e Ministrave të Punëve të Jashtme të Bashkimit Europian dhe fillimin e procedurës së përmendur në nenin 78 (3) të Traktatit për Bashkimin Europian për të marrë masa provizore në favor të Greqisë si përgjigje ndaj një emergjence të papritur fluksi i shtetasve të vendeve të treta në kontekstin e solidaritetit mes shteteve anëtare të BE-së.
