Prokuroria ka vendosur masën ‘Detyrim paraqitje’ për vajzën e këngëtares së njohur të muzikës popullore Eli Fara, Roxhensa Kapurani. E njohur për publikun si Marina Fara, u përfshi në përgjimet e policisë, në operacionin ‘Mezhgorani’ ku u arrestuan më shumë se 30 persona.
Ndërkohë, që Marina Fara nuk ka reaguar publikisht, pak orë pas këtij lajmi të bujshëm, këngëtarja Eli Fara ka bërë një postim në Instagram. Këngëtarja shfaqet aspak e shqetësuar duke bërë makijazhin e saj të fundit para ndonjë koncerti.
Ngjarja për të cilën akuzohet Marina Fara ka ndodhur me 24 dhjetor 2019 kur dy djemtë po kalonin drogë në Lezhë të ndihmuar nga Marina Fara.
Në momentin që Elisjon dhe Emir Brezës, bashkë me një person tjetër të njohur si ‘Alban’, iu është bërë me shenjë të ndalojnë, kanë braktisur makinën me hashash në një parking në qytet.
