Luksemburgu është shteti i parë në botë që ka vendosur që transporti publik të jetë falas për të gjithë.
Një vendim i tillë, sipas medieve lokale, është marrë si masë parandaluese për ndotjen e ambientin, duke joshur shumë qytetarë të përdorin transportin publik dhe të lënë në shtëpi makinat.
Nisma është pjesë e një plani të qeverisë për lëvizjen, në një vend ku ka trafik të rënduar për shkak të udhëtarëve që punojnë në Luksemburg, por jetojnë në Belgjikë, Francë e Gjermani.
Me pagesë, do të jenë vetëm biletat e trenit të klasit të parë. Ndërsa kostoja e mirëmbajtjes së rrjetit publik, rreth 500 milionë euro në vit, do të përballohet tërësisht nga shteti.
