Ish-presidenti i Fiorentinës, Vitorio Çeki Gorio është arrestuar të premten mbasdite dhe është shoqëruar për në burgun e Rebibias në Romë ku do të vuajë dënimin prej 8 vitesh e gjysëm.
Sipas “Corriere della Sera”, Gorio akuzohet se ka kryer mashtrime të ndryshme financiare, ndër të cilat mashtrim në lidhje me falimentimin, ndërkohë 77 vjeçari u shoqërua në burg pasi humbi fazën finale të apelimit.
Beteja e tij me drejtësinë fillon që në vitin 2008, me rënien e kompanisë së tij kinematografike “Safin”, ndërsa përpara kësaj, Gori ka qenë president i klubit të Fiorentinës nga viti 1993 deri në vitin 2002, kur dhe shpalli falimentimin e klubit.