Komisioni i Pavarur i Kualifikimit ka konfirmuar në detyrë gjyqtari i Apelit të Tiranës, Asim Vokshi. Sipas vendimit të shpallur nga kryesuesja Genta Tafa Bungo, gjyqtarit Vokshi duhet t’i referohet në dosjen e tij të vlerësimit profesional një vendim i kthyer nga Gjykata e Apelit.
Gjyqtari Vokshi u hetua nga Komisioni i Pavarur i Kualifikimit për të tre kriteret e rivlerësimit. Në seancën dëgjimore u bë me dije se atij i kishte kaluar barra e provës për të dokumentuar të ardhurat e prindërve pas përfitimit përmes dhurimit të një apartamenti 44 m2 me vlerë prej 21.350 euro.
Vokshi rezultoi pa probleme në kriterin e figurës, ndërsa pati një përballje me vëzhguesin ndërkombëtar Theo Jacobs mbi një denocnim për një vendim që ishte prishur në Apel.
