Operacioni i Ligjit ka ‘goditur’ sërish ditën e sotme dhe kësaj radhe vëmendja është drejtuar në Elbasan dhe në Krujë. OFL iu ka dërguar formularin për deklarimin e pasurisë dy shtetasve dhe kërkon që t’i përgjigjen brenda 48 orëve.
Mësohet se në ‘siten’ e OFL janë vënë shtetasit Flamur Hakën në Nikël dhe Talo Celën më Elbasan.
E plotë:
Në zbatim të detyrave të përcaktuara në Aktin Normativ të datës 31 janar 2020, vijon operacioni Forca e Ligjit, në bashkëpunim me strukturat vendore të Policisë, për dërgimin e kërkesave për vetëdeklarim të pasurisë.
Në këtë kuadër, OFL u ka dërguar kërkesat për vetëdeklarim të pasurisë shtetasve:
F. H., banues në Krujë, i dënuar për veprën penale “Vjedhja me dhunë”;
T. Ç., banues në Elbasan, i dënuar për veprën penale “Trafikim i lëndëve narkotike”;
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së.
Më pas, përgjigjet e marra do t’i dërgohen SPAK-ut, për veprime të mëtejshme.
OFL është në veprim të pandërprerë dhe në kryerje të veprimeve komplekse, për të evidentuar dhe dërguar në SPAK, të gjithë personat që janë subjekt i Ligjit Special.
OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.
