Anëtari i Këshillit të Lartë të Prokurorisë, Besnik Cani, është shkarkuar nga shkalla e dytë e vetingut. Vendimi nga Kolegji i Posaçëm i Apelit u njoftua këtë të enjte.
Në seancën në KPA, Komisioneri Publik dhe mbrojtja e anëtarit të KLP, Besnik Cani ngritën pretendime të ndryshme mbi të drejtën e palëve për të ankimuar një pjesë të vendimit të KPK-së mbi profesionalizmin. Komisioneri këmbënguli në shkarkimin e Canit, ndërsa mbrojtja në konfirmimin e tij në detyrë.
