Pasi presidenti i Republikës, Ilir Meta dorëzoi kallëzim penal në SPAK për ministren e Drejtësisë, me akuzën se ka shkelur kushtetutën, ditën e sotme ka reaguar vetë Etilda Gjonaj për një dalje për mediat.
Ministrja e Drejtësisë i është përgjigjur sot publikisht akuzave të Presidentit Meta, sipas të cilave ajo ka bashkëpunuar për “vjedhjen e anëtarit të Gjykatës Kushtetuese që i përket Presidentit”, duke u shprehur se Meta po reagon kështu nga Reforma në Drejtësi.
Në konferencën për shtyp, Gjonaj shpjegoi se si u zgjodh Arta Vorpsi duke theksuar se Presidenti mund të zgjedhë ose një emër nga lista e radhitur nga KED ose me heshtje.
