Një ngjarje e rëndë sapo është shënuar në qytetin e Durrësit, ku një grua është vrarë me thikë nga bashkëshorti i saj, brenda një byrektoreje. Ngjarja tragjike ka ndodhur te sheshi “Azem Hajdari”.
Dëshmitarët që panë ngjarjen e rëndë me sy kanë deklaruar se çifti kishte debate të ashpra prej disa ditësh. Ndërkohë, pas krimit burri vrasës është larguar nga vendi i ngjarjes.
Bëhet me dije se dy bashkëshortët ishin pronarë të një byrektoreje, ku edhe ndodhi ngjarja e rëndë.
Policia ka mbërritur në vendngjarje dhe po heton për zbardhjen e shkaqeve të krimit.
