Sot ka dalë para Komisionit të Pavarur të Kualifikimit gjyqtari i Gjykatës së Posaçme kundër Korrupsionit dhe Krimit të Organizuar Bib Ndreca
“E theksoj që duke qenë se nuk keni bërë hetim administrativ të plotë kërkoj riçelje të hetimit administrativ”, ka thënë ai para trupës.
“Duke patur parasysh se sapo më erdhi analiza financiare dje, pas katër minutave më erdhi seanca , unë nuk kisha mundësi reale të kryeja mbrojtje efektive. Fillimisht më caktuat datën , shumë shpejt. Kërkoj riçelje për hetimin e pasurisë. Ky proces është kontaminuar nëse ju nuk vlerësoni dhe kriterin e aftësisë profesionale dhe pastrimin e figurës”, tha ai më tej.
“Organet kompetente në çdo rast t’i përgjigjen komisionit. Për mua nuk është hedhur shorti i dosjes, janë mbledhur të gjitha aktet kërkoj të më hetojë dhe jo mos të më hetojë”, vijoi ai.