Ndahet Italia, autoritetet kalabreze me dorë të hekurt kundër virusit, “i mbyllin” dyert veriut.
Koronavirusi ndan dhe vetë Italinë. Kryebashkiaku i Malvitos, në Kozencë, nxori një urdhëresë që ndalon hyrjen në territorin komunal dhe madje edhe arrestime për të gjithë ata që kanë qenë në Lombardi dhe Veneto.
Në urdhëresë, kryebashkiaku Pietro Amatuzzo fton forcat e rendit të respektojnë rregullat, duke kujtuar se shkelja e tyre ka pasoja edhe me burgim deri në tre muaj.
