Ambasadori shqiptar në Kinë, Selim Belortaja jep alarmin se kërcënimi nga koronavirusi, tanimë është global.
“Nuk ka tashmë asnjë dallim mes ushtarakut që niset në front dhe mjekut, ndihmësave, infermierëve e transportuesve të te infektuarve që bien në kontakt me raste të konfirmuara a të dyshuara të prekjes nga Coronavirus-i. Dje autoritetet kineze shpallën se ashtu si të rënët në betejë, edhe personeli shëndetësor që ka humbur e humb jetën ne betejën epidemike merr statusin e “dëshmorit të atdheut” (martyr). Ky status do te perfshije edhe persona te tjere që kane sakrifikuar jeten -sipas disa kritereve.
Sado që duket një masë e brendëshme, ky eshte nje tjeter tregues i angazhimit suprem të Kinës per te luftuar virusin dhe bllokuar perhapjen e tij. Siç thekson OBSH kërcënimi është global. Në këtë kuptim martirët kinezë në vijën e parë të luftës kundër CoV jane edhe ..dëshmorët tanë! Nderim të përjetshëm sakrificës së tyre”, shkruan Belortaja.
