E mbani mend Anushkën te seriali Sarasvatiçandra që është transmetuar në ‘TV Klan’? Në Korrik të vitit 2017, u bë e ditur se aktorja, emri i vërtetë i së cilës është Srishty Rode, ishte fejuar me aktorin Manish Naggdev. Dyshja kishin vite të fejuar dhe vetëm së fundmi janë ndarë.
Lajmin e ka bërë të ditur vetë aktori i cili ka deklaruar publikisht se është ndarë nga Srishty. Ai e ka akuzuar se aktorja e ka përdorur për përfitime personale dhe është ndarë nga ai me anë të një telefonate.
“Çështja është se ditët e sotme ka njerëz që përdorin emocionet dhe lidhjet e dashurisë për të avancuar në karrierë dhe për të përmbushur urinë e tyre për luks. Ajo u nda nga unë me një telefonatë dhe për mua ishte shokuese. Si mundet e fejuara ime të ndahet nga unë me një telefonatë ndërkohë që ne kishim bërë plane për martesë? Ajo më manipuloi dhe më përdori për përfitime profesionale. Luajti me ndjenjat e mia për suksesin e saj”-u shpreh i fejuari i aktores.
