Mbrëmjen e djeshme në media qarkulloi lajmi se modelja Oriola Marashi është arrestuar nga policia, pasi në ‘Audin’ e saj luksoz iu gjet hashash. Mirëpo pasi ky lajm bëri xhiron e rrjetit, duket se e ëma e Oriolës, Xhoi Jakaj, një personazh i njohur edhe ajo, ka kërcënuar publikisht mediat.
“Do përballeni në gjykatë për shpifje”, shkruan Xhoi në një ndër lajmet që flasin për arrestimin e së bijës.
Oriola Marashi u arrestua dje pas një kontrolli rutinor që iu bë nga policia në mjetin e saj. Në makinën “Audi” ku ndodhej modelja, fotografi Juxhin Kurti dhe një tjetër person me inicialet E. Krasniqi janë gjetur edhe 9 gramë hashash. Në polici Marashi ka treguar se konsumon lëndë narkotike, të llojit kanabis, prej një viti. Po kështu ajo ka deklaruar se shokët e saj që ishin me të në momentin e arrestimit nuk kishin dijeni për hashashin dhe se nuk kanë lidhje me këtë çështje.
