Avokati Saimir Vishaj u shpreh se deri më tani SPAK-u nuk e ka dhënë produktin e tij pasi duhet të merret me kryeministra, presidentë dhe ministra.
“SPAK deri më tani nuk na e ka dhënë produktin sepse është sfumuar me 5000, me 20 mijë leksha dhe me hashashin. Me barin nuk mund të kemi SPAK, ndërkohë që presim krimin e organizuar. Ne duhet të ngremë zërin për të ngushtuar rrethin e subjekteve që SPAK-u të merret me drejtorët e lartë, jo të merret me policët e qarkullimit rrugor dhe me vepra të tjera të parëndësishme. Populli pret produktin, dhe produkti është ish-kryeministër, presidentë, ministra, me radhë. Këtu janë të gjitha problemet e SPAK-ut”, tha Visha në Ora News.
