Është ndarë nga jeta në moshën 86-vjeçare, ikona e muzikës shqiptare, Nexhmije Pagarusha.
Kanë qenë familjarët e së ndjerës ata që kanë dhënë lajmin e trishtë. Vajza e saj, Cuce Pagarusha ka publikuar një fotografi zie në profilin e saj në Facebook.
Ndërkaq, siç raportojnë mediat në Kosovë, amaneti i mbretëreshës shqiptare ishte që të varrosej në vendlindjen e saj në fshatin Pagarushë të Malishevës.
Nesër do të mbahet homazhe për këngëtaren e madhe dhe pas homazheve do të zhvillohet ceremonia e varrimit, sipas amanetit të Nexhmijes.
Mbretëresha ka kërkuar të varroset përmes një ceremonie private, pa praninë e mediave.
Pagarusha, një emër i ndritur në muzikën shqiptare do të jetojë përjetësisht në kujtesën e kombit për këngët “Baresha”, “E dehur jam”, “Ani mori nuse”, “Mora testin”, “Dallëndyshe” dhe shumë të tjera.
