Ministri i Brendshëm Sandër Lleshaj komentoi çështjen e Agim Kajmakut.
I pyetur se kur do të arrestohet nga gazetarja Anila Hoxha, Lleshaj tha:
“Tani Agim Kajmaku është në kërkim dhe jam totalisht i zhgënjyer që policia atje nuk ka bërë punën e duhur. Policia ka njohur rritje në punën e saj nga viti në vit, por kjo është kritika ime e vetme për policinë. Duhet të veprojnë sa më shpejt”.
Ai foli edhe për ndërhyrje nga politika.
“Ndërhyrja e politikës është që kjo çështje do të zgjidhet. Normalisht do të ketë edhe përgjegjës për vonimin e arrestimit të tij”, tha Lleshaj në Open.
