Tre zyrtarë amerikanë do jenë pjesë e gjyqit nesër në orën 12.30, për çështjen e kompanisë ADFD të dyqaneve “Duty free” në Rinas kundër Ministrisë së Ekonomisë, të cilën e akuzon se nuk ka të drejte të revokojë licencën e kompanisë.
Gjyqtari pranë Gjykatës Administrative të Shkallës së Parë Tiranë, Avni Sejdi, mbylli në fund të janarit shqyrtimin gjyqësor për konfliktin e paprecedentë mes kompanisë Albania Duty Free Distribution, me pronare bashkëshorten e gjyqtarit Gjin Gjoni, Elona Çaushi dhe Ministrisë së Financave, për licencën për ushtrimin e aktivitetit tregtar në ambientet Duty Free në Aeroportin e Rinasit.
