Ndryshe nga herët e tjera, këtë vit prezantuesi dhe drejtori artistik i Sanremos, Amadeus, ka preferuar që në të gjitha netët e festivalit të ketë në krah nga dy gra të ndryshme, emra të njohur të skenës italiane dhe jo vetëm.
Mes tyre do të jetë dhe prezantuesja shqiptare Alketa Vejsiu, e cila do të prezantojë në skenën e “Ariston” më 6 shkurt, së bashku me partneren e futbollistit Cristiano Ronaldo, Georgina Rodriguez.
Por, Alketa nuk do të jetë e vetmja. Më shumë se kurrë këtë vit Sanremo flet shqip. Për të performuar në skenë do të ngjitet Dua Lipa, e cila do të jetë e ftuar në natën e 7 shkurtit.
