Një njoftim i dyfishtë nga Kina dha informacione për dy kombinime të ndryshme ilaçesh për efikasitet kundër koronavirusit. Por, reagoi menjëherë Organizata Botërore e Shëndetësisë, duke bërë të ditur se nuk ekziston ende një kurë kundër virusit.
“Mjekimet e testuara nuk mund të përcaktohen efikase dhe nuk ka asgjë konkrete për të luftuar virusin”, -bëri të ditur OBSH-ja.
“Nuk ekzistojnë ende një terapi efikase kundër “2019-nCoV” dhe OBSH-ja kujton se vetëm studimet e thelluara mund të jenë efikase dhe të sigurta. Të zhvillosh terapi dhe vaksina kundër patogjenëve, si ky, kërkon vite punë”, -deklaroi zëdhënësi i OBSH-së, Tarik Jasarevic.
