Mbyllet gara për kreun e Byrosë Kombëtare të Hetimit dhe gjithsej kanë aplikuar 40 kandidatë.
SPAK gjatë thirrjeve për aplikime të tjera ka theksuar se kandidatët duhet të demonstrojnë lidership, integritet dhe profesionalizëm. Bëhet me dije se të hënën më datën 3 shkurt shpallen emrat e atyre që plotësojnë kriteret.
Byroja Kombëtare e Hetimit do të jetë struktura mbështetëse e Prokurorisë së Posaçme Antikorrupsion që do të hetojë korrupsionin në nivelet më të larta të zyrtarëve, por dhe veprat që janë kryer nga grupet e strukturuara kriminale. Kreu i SPAK Arben Kraja pritet të zgjedhë drejtuesin e BKH, i cili do të ketë “pas vetes” 60 Oficerë të Policsë Gjyqësore (OPGJ) që do të kenë rolin e hetuesve.
Rregullat do të jenë tepër të rrepta dhe për vetë oficerët-hetues që do të bëhen pjesë e BKH pasi dhe ata duhet t’i nënshtrohen verifikimeve ekstra siç është poligrafi ose e njohur si makina e së vërtetës. Në fillim të muajit nëntor të këtij viti, Këshilli i Lartë i Prokurorisë shpalli njoftimin për aplikime pranë kësaj strukture, por në atë kohë mos-zgjedhja ende e kreut të SPAK e la pezull procesin.
Disa nga kandidatët e parë që kanë aplikuar për kreun e BKH janë:
Adriatik Ago
Agim Ismaili
Aida Veizaj
Ajas Gjeta
Arben Karkini
Ardian Çipa
Artan Pjetërnikaj
Artan Shkëmbi
Artur Beu
Atnan Shehu
Bardhi Koçi
Blerina Bajollari
Blerta Dervishi
Bujar Madani
Dritan Osmani
Edmond Kasmi
Eduart Merkaj
Endri Hoxha
Enver Levani
Ervin Hodaj
Ervin Hoxha
Gentian Hilla
Gentjan Shehaj
Gjovalin Ulndreaj
Haris Ngjeqari
Ibrahim Disha
Idajet Faskaj
Krenar Ahmeti
Kristaq Dashi
Lindita Nushi
Mimoza Haxhihyseni
Pal Shkambi
Pëllumb Seferi
Petrit Imeraj
Rekela Ismaili
Sabri Hoxha
Saimir Shehri
Xhabir Zejnuni
Ylli Pjetërnikaj
Zef Preçi
