Nëpërmjet një njoftimi për mediat policia dha sot informacionin se Jan Prenga që u mor peng në Kamëz, ka vdekur nga plagët e marra nga dhunuesit, mirëpo trupi i tij nuk është gjendur ende.
News24 ka shkuar në banesën e familjes së Jan Prengës në Kamëz, ku familjarët e tij kanë dalë me një apelt të fortë.
Kunati i viktimës, Mark Sula, ka thënë se Jani nuk ka pasur konflikte me asnjë njeri, ndërsa i ka bërë apel shtetit të gjejë trupin e tij të pajetë dhe t’ua dorëzojë familjarëve.
“Janin e rrembyen dhe e vrane, drejtesia te vihet ne vend. Policia e Tiranes na thirri mbreme dhe na tregoi se ai nuk jeton me. Jani nuk ka pasur asnje konflikt e asnje problem me askënd. Nuk i njohim te arrestuarit e as kemi probleme me ta. Shteti te gjeje trupin e ta sjelle ne shtëpi”, ka thënë ai.
