Dëfrim Iseberi, 45 vjeç, është ekstraduar për në Shqipëri, cilësohet si një nga vrasësit më të kërkuar të Shqipërisë. Iseberi është arrestuar në Mbretërinë e Bashkuar pasi kaloi 23 vite në arrati.
Ai vrau një roje të sigurisë në Hotelin ‘Gjallica’ në Kukës në 1997. Më pas u largua për në Britani duke përdorur emrin Agim Mema dhe kërkoi azil në Britanin e Madhe si kosovar.
Iseberi një prej emrave që bënte pjesë në listën e Interpol Tirana, u gjurmua në Londër muajin e kaluar pas një kërkimi të gjatë. Nga ana tjetër ai u dënua në mungesë nga drejtësia shqiptare me 20 vite burg. Ka qënë policia britanike ajo që bëri të mundur identifikimin e tij duke kërkuar kështu edhe ndihmën e publikut nëpërmjet programit të quajtur: ‘CrimeWatch’ në BBC1.
Indetiteti është zbuluar pasi edhe pse në arrati, Dëfrimi kishte postuar në vitin 2011 një video në Youtube duke luajtur futboll. Përmes kësaj videoje policia ka arritur të zbulojë edhe imazhin e shumë të kërkuarit shqiptar.
Aktualisht pas 23 vitesh merr fund edhe arratja e Isberit i cili është ekstraduar për në Shqipëri ku do të vuajë edhe dënimin e merituar.