Gazetari Artan Hoxha ka ‘fundosur’ mëngjesin e sotëm një tjetër kryebashkiak socialist. Hoxha ka publikuar disa foto ku shfaqet një kryebashkiak duke konsumuar kokainë në ambientet e një lokali, por ka preferuar që emrin e tij të mos e përmend, ndërsa paralajmëron se në orët në vazhdim do të publikojë videon e plotë.
Gazetari investigativ Artan Hoxha foli pak ditë më parë për ekzistencën e këtyre pamjeve. Ai tha se ka kohë që është regjistruar por u spostua për shkak të tërmetit.
“Është në ambient publik (lokal), se po të ishte në zyrë nuk ke si e filmon. Nëse e merr narkotikun në banesë apo në një ambient të mbyllur, nuk ka asnjë problem se thua jam përdorues. Përveç faktit që je i zgjedhur vendor, pastaj kalon në një nivel tjetër. Por, nëse e merr në ambient publik ky është problem”, deklaroi Artan Hoxha.
Teksa ishte i ftuar në “Opinion”, numri II i PD-së, Gazment Bardhi tha se “ka dijeni dhe e ka parë videon”./ abcnews.al
