Blendi Fevziu, gjatë transmetimit të emisionit ‘Opinion’ ka zbuluar një tjetër kryebashkiak socialist që mendohet se ka falsifikuar dokumentin e dekriminalizimit dhe ka ndryshuar emër.
Edhe pse nuk e ka bërë publik emrin dhe bashkinë ku ai drejton, Fevizu ka dhënë disa detaje interesante, pasi i emëruar rilindjes deri në vitin 2005 ka punuar si doganier.
Po ashtu në mesazhin e dërguar Fevziut, qytetari thekson se kryebashkiaku ka ndërruar emër pasi është ndaluar në vitin 96-të për kontrabandë, por nuk ka mundur të arrestohet pasi është fshehur.
‘Zoti Fevzi ju përshëndes kam diçka me interes publik për kryetarin e bashkisë, që ka punuar doganier deri në vitin 2005. Në vitin 96 është ndaluar nga policia për kontrabandë. Në formularin e dekriminalizimit nuk e ka shkruar që është dënuar’, shkruhej në mesazhin që qytetari i kishte dërguar Fevziut.
