Moderatorja shumë e dashur për publikun, Arbana Osmani ka realizuar dje një intervistë pyetje-përgjigje në Instagram me ndjekësit e saj të shutmë, nëpërmjet të cilës na ka zbuluar shumë detaje nga jeta e saj. Madje ka folur edhe për marrëdhënien e saj me Eduart Grishajn.
Një fans e ka pyetur se si është të punosh me Eduartin dhe përgjigjja e Arbanës ka qenë e menjëhershme.
“Si është të punosh me Edin?”- i shkruan një ndjekës.
“Mirë është. Ka raste që dua ta vras, ka raste që do të më vrasë, por në fund është i vetmi njeri pa të cilin nuk do të mund ta bëja këtë emision,”– është përgjigjur moderatorja, duke na lënë të kuptojnë se përpos konflikteve, puna mes tyre ecën shumë mirë.
