Mesditën e sotme është arrestuar autori i vrasjes në Paskuqan Erdet Çapoku. Mësohet se 34-vjeçari është kapur në zonën e Laprakës, ku po lëvizte me biçikletë. Mbrëmjen e djeshme ai vrau kunatën, por arratia zgjati vetëm disa orë pasi u arrestua dhe tani do të përballet me drejtësinë.
Njoftimi i plotë:
Tiranë, Kapet në kohë rekord autori i vrasjes së shtetases E. Ç., ndodhur në Paskuqan, në orët e vona të mbrëmjes së djeshme. Menjëherë pas ngjarjes, strukturat e DVP Tiranë organizuan punën për lokalizimin dhe kapjen e shtetasit Erdet Çapoku., i cili pasi ka goditur me sende të forta kunatën është larguar nga vendngjarja. Falë angazhimit maksimal dhe informacioneve të marra nga qytetarët, shërbimet e Komisariatit të Policisë Nr. 4 bënë të mundur lokalizimin dhe kapjen e këtij shtetasi, në Laprakë. Shtetasi ndodhet i shoqëruar në Polici, për veprime të mëtejshme.
