Mbrëmjen e djeshme Paskuqani u trondit nga një krim i rëndë brenda familjes ku mbeti e vdekur Enkelejda Çapoku. Pikërisht për këtë ngjarje ka folur edhe xhaxhai i viktimës, Shefqet Fjolla i cili tregon detaje nga krimi makabër i ndodhur në orët e vona të së enjtes.
Ai rrëfen Erdet Çapoku, autori i vrasjes, është futur me dhunë në shtëpi duke i gjuajtur derës. Më pas ai shtoi se e ka gjetur mbesën të pajetë, pasi Çapoku e kishte goditur dhe i kishte prerë edhe damarët.
“Ai erdhi me qëllim për ta vrarë. E kërcënonte mbesën time. Kishte urdhër mbrojtje. I ka gjuajtur derës me shqelma, ka hapur derën, i ka gjuajtur nënës edhe të bijës. I kishte prerë damarët në krahun e djathtë, ashtu e gjetëm”, rrëfeu xhaxhai i 39-vjeçares.
Xhaxhai tregoi edhe se për çfarë është dënuar me burg burri i Enkeleda Çapokut. “Bashkëshorti i mbesës time po bën 7 vjet në burg. Ai u ngatërrua me ca shokë dhe u dënua për punë droge. Nëna e mbesës jetonte me të që kur hyri i shoqi brenda. Nuk kam informacion për konfliktet e mëparshme”, tha Shefqet Fjolla për “FaxNews”.