Karabinierët e Bolonjës kanë arrestuar një 35 vjeçar shqiptar, anëtar i një bande kriminale, i shpallur në kërkim për trafik ndërkombëtar të lëndëve narkotike, në maj të 2018-ës. Në të njëjtën kohën është shpallur në kërkim edhe një 49 vjeçar italian, pronar i shtëpisë ku fshihej shqiptari.
Operacioni i koduar ‘Objektivi Santa Rita’, kishte filluar që në shtator të vitit 2015, dhe pas një vale të gjatë arrestimesh, u finalizua edhe me vënien pas prangave të shqiptarit.
Sipas informacioneve të policisë shqiptari fshihej në kodrat e San Leo-s.
Arrestimi i tij u bë i mundur, nga ajri përmes një helikopteri, si një mënyrë sigurie për të bllokuar të gjitha opsionet e tij për tu arratisur. Efektivët e policisë hynë brenda banesës ku ai fshihej, në orët e para të mëngjesit dhe 35-vjeçari ishte ende në gjumë.
Nga kontrolli fizik, policia gjeti dhe sekuestroi 26 gr kokainë, një peshore elektronike, një kartë identiteti dhe një patentë false të autorizuar nga autoritetet greke
