Kryeministri Edi Rama po inspekton nga afër banesat e dëmtuara dhe po njihet me ankesat e qytetarëve në Durrës pas tërmetit të fuqishëm.
Rama është përplasur atje edhe me qytetarë të revoltuar, që i kërkojnë ndërtimin e banesave të tyre.
DEBATI:
Qytetari: Po s’ka ka ardhur njeri fare mo, jemi në rrugë.
Rama: Mos flisni gjëra të pakuptueshme. Mos shikoni vetëm derën tuaj.
Qytetari: Më është shembur pallati more.
Rama: Na lini të bëjmë punën tonë.
Rama ndër të tjera u shpreh para qytetarëve se qeveria do të ndërtojë për të prekurit shtëpi dhe jo shtëpi kartoni.
Gjithashtu kryeministri është ndaluar edhe nga një zonjë e cila ka ofruar shtëpinë e saj për ndonjë familje që ka nevojë. Ndërkohë kryeministri e orientoi se si duhet të veprojë duke deklaruar në platformën online se ofron banesën e saj për një familje.