Pas tërmetit të fuqishëm të ditës së djeshme që ka shkaktuar deri tani 29 viktima dhe mbi 600 të plagosur, ka ardhur një parashikim i pazakontë. Bëhet fjalë për një qytetar nga Fieri, i quajtur Gani Gurguri, i cili ka parashikuar në një emision televiziv se Shqipëria do të goditet nga një tërmet i fuqishëm në muajin nëntor.
Gurguri ka parashikuar me precizitet edhe datën se kur do të ndodhë tërmeti, vetëm se ka gabuar për epiqendrën e tij.
Gjatë një intervistë për “dritare.net” në datën 20 tetor, parashikuesi i pazakontë është shprehur se një tërmet i fuqishëm do të shkundë Shqipërinë në datat 25-27 nëntor.
Ai është i njohur gjerësisht në rrethin e tij por edhe në qytete të tjera të Shqipërisë falë aftësisë së tij të veçantë për të parashikuar motin.
Madje, Gurguri ka treguar edhe parashikime që i kanë dalë të gjitha me saktësi.
