Një leopard mbeti i tronditur kur kujdestari i tij në kopshtin zoologjik u zhvendos me shtëpi, por tani ndjehet më mirë pasi ai pranoi ta marrë me vete. Ish-kujdestari Alexander Volkov, 30 vjeç, mori në shtëpi tashmë leopardin 3-vjeçar të quajtur Caesar, pasi la punën në kopshtin zoologjik Penza Zoo, në Rusinë qendrore. Alexander u kujdes rreth një vit për Caesar, dhe ky i fundit u godit seriozisht nga mungesa e tij kur u largua. Pasi refuzonte të gjithë ushqimin dhe ujin, drejtori i kopshtit iu lut ish-punonjësit ta merrte në shtëpi.
Aelxander thotë: ‘Caesar ka dhomën e tij. Ai kalon gjysmën e ditës në dhomën time e gjysmën tjetër nëpër shtëpi. Por duhet kuptuar se leopardi është një predator i pamëshirshëm, kështu që duhet të jemi realistë dhe unë kam përgjegjësi jo vetëm për të por dhe për njerëzit që jetojnë këtu afër. Ne kuptohemi mirë me njëri-tjetrin. Ai luan shumë po nganjëherë më gërvisht”. Alexander – i cili ka qenë ish-ushtarak – insiston se kafshët e egra nuk duhet të jetojnë të mbyllura.Ai thotë: ‘Nuk isha nisur për ta bërë këtë por e pashë që ai nuk do të mbijetonte pa mua prandaj e mora’.
