Mbrëmjen e djeshme në rrugët e kryeqytetit është organizuar një protestë e pazakontë. Një grup me aktivistë dhe anëtarë të komunitetit LGBTI, kryesisht femra, kanë marshuar në rrugët e kryeqytetit, në një paradë për të drejtat e tyre.
Me thirrjet në kor “Jemi lesbike, jemi krenare”, protestuesit për të drejtat e komunitetit LGBTI vijuan të qetë marshimin, i cili u shoqërua nga forcat e policies, por nuk prodhoi asnjë incident.
Gjatë protestës ra në sy momenti kur dy vajza të këtij komuniteti u puthën, ndërsa në duar mbanin një banderolë ku shkruhej: Hatixhja e don Xhemilen.
Parulla të tjera ishin edhe ato ku shkruhej: “Jam krenare që vajza ime është lesbike”, “krenar me qenë vetja” etj. Kjo protestë u zhvillua në kuadër të konferencës vjetore “ERA”.
