I ftuar në “Open”, gazetari Enton Abilekaj tha se makina me të cilën po lëvizte prokurori Ndoja nuk ishte e tija, por e biznesmenit Fadil Qollaku duke hedhur poshtë deklaratën e prokurorit i cili tha nga spitali se ishte makina e gruas së tij.
“Fadil Qollaku është një biznesmen që ka lidhje të afërta me prokurorin Ndoja. Ndoshta ja ka dhënë për të lëvizur atë ditë”, tha Abilekaj.
Si pasojë e atentatit, dje ndërroi jetë në spital shoferi Andi Maloku, ndërsa prokurori Ndoja dhe i plagosuri tjetër Aleksandër Laho, ndodhen jashtë rrezikut për jetën.
