Një shpërthim i fuqishëm ndodhi ditën e djeshmen në Portëz të Fierit pranë një pike gazi. Mësohet se pas kësaj ngjarje të rëndë, policia ka vënë në pranga pronarin e kompanisë, për shkak të sigurisë së dobët në punë.
Njoftimi i policisë:
Specialistët për Hetimin e Krimeve në Komisariatin e Policisë Fier arrestuan shtetasin:
•S.M., 62 vjeç, banues në Fier.
Arrestimi i këtij shtetasi u bë pasi në pikën e furnizimit me gaz të automjeteve në fshatin Portëz, në pronësi të këtij shtetasi, ka rënë zjarrë dhe si pasojë ka pasur shpërthim, ku janë dëmtuar banesa e godina përreth.
Materialet i kaluan Prokurorisë Pranë Gjykatës së Shkallës së parë Fier, për veprime të mëtejshme për veprën penale “Shkelje e rregullave mbi lëndët plasëse djegëse dhe radiokative” dhe “Shkelja e rregullave të mbrojtjes në punë” e mbetur në tentativë.
