Një hetim i mirëorganizuar çoi në ‘rrjetën’ e policisë shtetasin italian me inicialet F.M, të cilit iu sekuestruan 750 mijë euro pasuri kriminale.. Ai është pjesëtar i bandës së rrezikshme në Itali, Camorra-s, por edhe porositës i një vrasjeje.
Mësohet se bëhet fjalë për 56-vjeçarin Ferdinando Muollo, i cili rezulton një emër problematik për drejtësinë italiane. Më poshtë, iu sjellim edhe foton e italianit, i cili është dënuar në vendin e tij, pasi ka qenë pjesë e konflikteve mes klaneve kriminale kamorriste në zonën e Napolit.
Në Durrës, 56-vjeçarit Muollo iu sekuestruan, pas 18 muajsh hetime, 5 apartamente banimi, me sipërfaqe 413.8 m2, në Durrës; 13 garazhe me sipërfaqe 622.7 m2, në Durrës; 1 automjet me vlerë 40 000 Euro dhe afro 10 000 euro llogari bankare.
Sipas policisë shqiptare, shtetasi italian ishte me leje qëndrimi në Shqipëri dhe ushtronte aktivitetin tregtar si vijon:
Në vitin 2012 ka regjistruar shoqërinë sh.p.k, me objekt prodhimi dhe tregtimi i medikamenteve dhe pajisjeve dentare, në Tiranë, me 50 % të aksioneve në pronësi të tij.
Në vitin 2015 ka regjistruar shoqërinë me objekt prodhimi dhe tregtimi i pajisjeve mjekësore-kirurgjikale për larje dhe dezinfektim ambientesh, ku 45 % të kuotave i posedon F.M.
Në vitin 2015 ka regjistruar shoqërinë me objekt laboratore dentare, ku F. M. ka 30 % të kuotave.
