Këngëtarja shumë e dashur për publikun, Valbona Mema ishte e ftuar në “E Diell”, ku gjatë emisionit foli edhe për jetën e saj private, marrëdhënien me fëmijët dhe ruajtjen e traditave tiranase.
“Fëmijët e mi janë gjak shkodrani dhe këtë këngë ja dedikoj Shkodrës, prindërve të Sokolit që kanë rritur një djalë aq të mirë, aq të bukur, aq të mençur. Shkodra është gjysma e zemrës sime”, është shprehur këngëtarja e cila i ka rritur e vetme ata pas ndarjes nga jeta të bashkëshortit.
Valbona u shpreh se kur të vijë koha që fëmijët e saj të martohen ajo nuk do të ndërhyjë në jetën e tyre, duke qenë se do më të mirën për ta. Këngëtarja shtoi se ajo vetë ka pasur fatin të ketë një vjehrrë shumë të mirë që vazhdon ta dojë edhe sot njësoj si ditën e parë.
