Mitrovica e Veriut është blinduar mëngjesin e sotëm nga forca të shumta policore, të cilat kanë organizuar një aksion ‘blic’.
Mediat kosovare raportojnë se qëllimi i këtij aksioni ka qenë kapja e disa personave të dyshuar për veprën penale “Krim të organizuar” dhe “Keqpërdorim të pozitës zyrtare”.
Aksioni është duke vijuar akoma.
Këtë e ka konfirmuar për Express Ekrem Lutfiu, zëdhënës i Prokurorisë Speciale e Republikës së Kosovës
“Ky aksion është duke u bërë me urdhër të Prokurorisë Speciale të Republikës së Kosovës, si dhe është vazhdim i aksionit të mëparshëm, për arrestimin e tre të dyshuarve për veprat penale “Krim të organizuar” dhe “Keqpërdorim te pozitës zyrtare”.
Aksionin e ka konfirmuar edhe zv.drejtori i policisë së Kosovës në Veri Besim Hoti.
