Në një intervistë për Standartin e Vjenës, Presidenti Serb, Aleksandër Vuçiç, ka përjashtuar mundësinë që Beogradi duhet ta njohë Kosovën brenda kufijve aktualë.
Vuçiç shton se nuk ka gjasa që Beogradi ta njohë Kosovën edhe pse thotë se ka dëgjuar nga Shtetet e Bashkuara të Amerikës që BE-ja ka ndryshuar qëndrimin e saj dhe se mund të kërkonte njohje nga Beogradi.
I pyetur nëse Serbia do ta njohë ndonjëherë Kosovën si një anëtare e barabartë e bashkësisë ndërkombëtare, Presidenti u përgjigj se kjo është një pyetje e vështirë për serbët.