Aktorja e teatrit Mariana Kondi është shumë e dashur për publikun shqiptar. Ajo është mjaft aktive në rrjetet sociale dhe publikon vazhdimisht foto duke ndarë me ndjekësit e saj momentet e bukura.
Ditën e djeshme, përmes një postimi në Instagram, ajo ka dhënë provat që një miqësi e vërtetë ekziston, për të gjithë ata që mund të dyshojnë. Aktorja ka publikuar një foto ku shihet pranë mikeshës së saj, këngëtares së njohur Artjola Toska dhe i ka dedikuar fjalët më të sinqerta dhe më të ëmbla.
“Në jetë mund të kem bërë zgjedhje të gabuara me të cilat jam zhgënjyer! Një libër e kam zgjedhur nga kopertina, por faqet ishin të bardha (sidomos tek poezitë). Një këngë e kam dëgjuar për shkak të një emiocioni të momentit, emocion kalimtar si pëlqimi i asaj kënge! Veshjet mund t’i zgjedh për shkak të modës por nuk më bëjnë moderne! Çantat i dua të mëdha dhe ato janë bosh! Në shumë çka mund të kem gabuar, por jo në zgjedhjen e shokëve apo të shokve! Një ndër to je ti Artjola Toska”, ka shkruar Mariana krahas postimit.
