Deputetja Rudina Hajdari doli sot në një deklaratë për mediat ku sqaroi të gjitha prapaskenat për shkarkimin e saj nga posti i kryetares së grupit demokrat. Sipas saj, pas kësaj lëvizjeje të brendshme të grupit demokrat fshihet Lulzim Basha, i cili nuk do që të realizohet reforma zgjedhore.
E vendosur dhe me një gjuhë të ashpër, Rudina tha se ajo dhe grupi që drejton do të forcohen akoma më shumë dhe qëllimi i tyre i vetëm është ndryshimi i sistemit.
Mirëpo pas kësaj deklarate të Rudina Hajdarit ka reaguar menjëherë avokati i njohur, Adriatik Lapaj, i cili kujton se ajo vet është një deputete e këtij sistemi, dhe që të gjithë të rinjtë si ai të fillojnë ta marrin seriozisht, Rudina e para duhet të refuzojë të jetë produkt i këtij sistemi.
“NJË REPLIKË ME RUDINËN
Dëgjova Znj. Hajdari që foli për ndryshimin e sistemit nga foltorja që simbolizon sistemin.
E nderuar, ti je deputete tipike e atij sistemi. Që unë ta marrë seriozisht vullnetin tuaj, së paku ju duhet të refuzoni të jeni produkt i sistemit.
Asgjë personale, madje do doja të thosha diçka të mirë si e re që jeni, por arroganca juaj duke folur si e zgjedhur e sistemit, madje madje duke folur edhe në emër të ndërkombëtarëve është fyese për ne të rinjtë që na duhet të punojmë shumë për të jetuar e për t’u përballur me sistemin.”, shkruan avokat Lapaj.
