Presidenti italian, Sergio Mattarela ngarkoi sot kryeministrin në detyrë, Giuseppe Conte për formimin e një qeverie të re e cila do të mundësojë daljen nga kriza pa kaluar në zgjedhje të parakohshme. Zgjidhja erdhi pas konsultimeve mes Lëvizjes 5 Yjet dhe Partisë Demokratike. “I trasmetuam presidentit se kishim pranuar propozimin e Lëvizja 5 Yjet për emrin e presidentit të Këshillit të Ministrave”, theksoi sekretari i PD Nicola Zingaretti, në përfundim të konsultimeve. “Ne gjithashtu konfirmuan me vendosmëri nevojën për të ndërtuar një qeverisje të përparuar dhe të pandërprerë,” shtoi ai. “Le të jetë e qartë se nuk ka stafetë për të vazhduar dhe nuk ka dëshmitar për të mbledhur, por përkundrazi një sfidë e re për të filluar. Qeveria e re do të sjellë fillimin e një sezoni të ri, civil, shoqëror dhe politik”, përfundoi Zingaretti.