Gjykata e Tiranës ka caktuar masën e sigurisë për shtatë punonjësit e fondacionit financiar “Besa”, të cilat u arrestuan një ditë më parë për akuzën e mashtrimit dhe përfitimit të shumës 3,7 milionë euro, me anë të skemës së kredive fiktive.
Kështu gjykata ka caktuar masën arrest me burg për punonjësit; Albana Imami, Blertina Kanani, Mihal Hanxhari, Orkida Driza, kurse për Matilda Domi dhe Esmeralda Vaso është caktuar masa e sigurisë “arrest shtëpie”.
Mësohet se Albana Imami ka pranuar para gjykatës se ka dhënë kredi fiktive, por theksoi se nuk ka qenë e vetëdijshme për atë që po bënte. Ajo deklaroi se të gjithë të ardhurat i ka depozituar në fondacion.
Matilda Domi kam firmosur 35 deri ne 40 kredi qe mendoj se janë fiktive po mi ka urdhëruar drejtoresha. Te pandehurit e tjerë akuzojnë drejtoreshën se i ka detyruar te firmosin kredi fiktive. Orkida Driza e dyshuar ne rolin e sekseres ka theksuar së është mashtruar dhe ajo do të bashkëpunojë me organet e prokurorisë.
“Jam e mashtruar do bashkëpunoj me prokurorinë. Për çdo person qe sillja me jepnin 20 mije leke te vjetra. Kam futur te gjithë fëmijët e mi”-tha ajo.
Nga ana tjetër, Mihal Hanxhari tha se e ka kuptuar skemën dhe kishte kërkuar dorëheqjen para tre muajsh.
“Kam kuptuar skemën dhe kam kërkuar dorëheqjen para tre muajsh”
