Presidenti i Serbisë Aleksandar Vuçiç ka arsyetuar vendimin e Beogradit zyrtar për t’u armatosur. Ai ka thënë se Serbia është një ‘arrë e fortë’, të cilën nuk është lehtë për ta thyer. “Të jetojmë në frikë nga luftërat… blejmë armë për t’u mbrojtur. Nëse e shohin Serbinë si një arrë të fortë, do të thotë se nuk është e lehtë për ta thyer”, u shpreh kreu i shtetit serb. Serbia së fundi ka nënshkruar marrëveshje për blerjen e 18 sistemeve raketore Mistral me 50 raketa, të cilat do të jenë në gjendje t’iu shmangen laserëve dhe të godasin fluturaket gjatë fluturimeve të ulëta.
