I ftuar në “Top Talk, gazetari Artan Hoxha ka komentuar deklaratat e opozitës ku ka hedhur akuza se “legalizimi” i kanabisit në vend është lejuar nga vetë kryeministri Rama.
Ai shprehet se është i këtij mendimi, por puna është se do provuar.
“Ajo çfarë ka ndodhur deri në 2016-ën nuk është bërë nga ata poshtë, kjo është kategorike”.- tha Hoxha.
Sipas gazetarit Hoxha, nuk mundet që thjesht një shef komisariati të lejojë të mbillen sasi të pafundme kanabisi, pasi nuk i mbulon dot.
“Një shef komisariati të lejojë të mbillen sasi të pafundme kanabisi. Nuk i mbulon dot, ne kemi monitorim nga ajri. Italianët janë këtu tërë kohës”, shprehet ai.
Më tej ai kujton se: “Në vitin 2016, kishte çdo ditë pamje të operacioneve policore që korrin pafund kanabis. Në 2016-tën u korr 40-50% e sasisë së mbjellë. Po të mos korrej nga policia, vlera e kanabisit do shkonte se domatja. Fakti që kjo ndodhi atë vit dhe nuk ndodhi vitin pasardhës tregon se e kanë në dorë strukturat e shtetit”.