“Super-bishat” në Lezhë, zbulohet e shkuara e errët e pronarit

0
417

Ditën e sotme Policia e Lezhës ka sekuestruar dy makina luksoze në pronësi të I.L.

Rezulton se ky person është ekstraduar drejt Italisë për veprat penale  “Falsifikim i dokumenteve” dhe “Grup i strukturuar kriminal”

Dyshohet se makinat luksoze janë blerë me para që kanë ardhur si rrjedhojë e aktiviteteve kriminale.

Po punohet edhe për bllokimin e katër makinave të tjera, të cilat iu përkasin familjarëve të të ekstraduarit në Itali.

Njoftimi i policisë

“Finalizohet operacioni “LUKSI“, për vendosjen e  sekuestro preventive të disa automjeteve luksoze të cilat dyshohen se janë blerë me të ardhura që rrjedhin nga aktivitete  kriminale.Sekuestrohen 4 automjete luksoze dhe po punohet për gjetjen dhe sekuestron edhe 4 automjeteve të tjera  luksoze Specialistët për Hetimin e Krimit Ekonomik e Financiar në Drejtorinë Vendore të Policisë Lezhë nën drejtimin e Prokurorisë pranë Gjykatës së Shkallës së Parë Kurbin zhvilluan Operacionin Policor “LUKSI“, për vendosjen e  sekuestro preventive të disa automjeteve të shtetasit I.L.,i ekstraduar në Itali për veprat penale “Falsifikim i dokumenteve” dhe “Grup i strukturuar kriminal”.

Operacioni u zhvillua në funksion të procedimit penal të vitit 2019, regjistruar për veprën penale  “Pastrimi i produkteve të veprës penale apo veprimtarisë kriminale “Bazuar në vendimin e datës 10.07.2019, të Gjykatës së Shkallës së Parë Kurbin u vendos sekuestro preventive  për katër automjete luksoze në pronësi të shtetasit I.L.

Gjithashtu  po punohet për gjetjen dhe sekuestrimin edhe të katër automjeteve të tjera  luksoze,  të regjistruara në emra të familjarëve të shtetasit I.L. Policia në bashkëpunim  me Prokurorinë e Rrethit Gjyqësor Kurbin, po vijon punën për  dokumentimin e plotë të aktivitetit të paligjshëm të këtij shtetasi, si dhe identifikimin e personave të tjerë të përfshirë.

LEAVE A REPLY

Please enter your comment!
Please enter your name here