Këtë mëngjes dhe gjatë mbrëmjes së djeshme moti ka marrë një kthesë të madhe në vendin tonë.Temperaturat e larta ia kanë lënë vendin erës dhe stuhisë së fortë, e cila nuk ka kaluar pa shkaktuar dëme.
Ndër qytetet ku janë vënë më shumë re pasojat e motit të “tërbuar”, është Lezha.Era e fortë ka zhvendosur shtyllat e energjisë elektrike të cilat kanë rënë mbi automjetet e parkuara pranë tyre.
Kjo gjithashtu ka sjellë probleme në furnizimin me energji elektrike në Shëngjin dhe zonën përreth.
Moti i keq përfshiu të gjithë territorin e vendit pak pas mesnate.Si pasojë ka pasur rënie të temperaturave në orët e para të mëngjesit të sotëm.
