Pas ngjarjes së rëndë që ndodhi në Korçë kanë folur të afërmit e Serefedin Zenellarit.
“Ishte njeri i qetë. Ishte ndarë nga gruaja. E dimë që ka një çupë në Amerikë. Konflikte ka pasur edhe më parë me kunatin. Nuk ishte i sherrit, asgjë. Ai nuk hapej me ne.”, tregojnë familjarët për 71-vjeçarin.
Gramoz Nako është vrarë nga kunati i tij Serefedin Zenellari, pasi ky i fundit i grabiti 13 mijë euro. Autori i ngjarjes është vetëvrarë me armën e krimit sapo policia ka mbërritur në banesë për ta arrestuar. Nako ishte babai i dy fëmijëve dhe prej vitesh jetonte në SHBA, ndërsa 71-vjeçari jetonte vetëm.
